Նախարարի տեղակալ
Խաչիկ Մայիսի Ասրյան ՀՀ սպորտի և երիտասարդության հարցերի նախարարի տեղակալ
Ծնվել է 1970թ-ի փետրվարի 13-ին` Սյունիքի մարզի Գորիս քաղաքում:
1977-87թթ-ին սովորել է Գորիսի թիվ 2 միջն. դպրոցում:
1988-91թթ-ին ծառայել է Հեռավոր Արևելքում, Ճապոնական ծովի հարևանությամբ` ծովային հետևակ:
1991թ. Սյունիքում, իր նախաձեռնությամբ ստեղծել է ամենաերիտասարդ ջոկատը` "Նժդեհյան գայլախումբ" անվամբ, որտեղ ընդգրկվել են 15-18 տարեկան պատանիներ և երիտասարդներ, որոնք էլ Տաթևում և Հալիձորում ստացել են ֆիզիկա-տեխնիկա- տակտիկական խիստ մասնագիտացված դասընթացներ: "Նժդեհյան գայլախումբ" ջոկատով մասնակցել է (1991-1994թթ.) Լաչինի, Սաֆյանի, Սվարասիի, Գորիսի և Կապանի սահմանների պաշտպանական մարտերին:
1991-95թթ. սովորել և ավարտել է Գորիսի "Սյունիք" ինստիտուտի իրավաբանական ֆակուլտետը, միաժամանակ մարզելով թվով 90-100 պատանիների և երիտասարդների` արևելյան մարտարվեստով:
1992-93թթ-ին նկարահանել է "Արյան հետքերով" գեղարվեստական տեսաֆիլմը` նվիրված արցախյան հերոսամարտին:
1994թ-ի աշնանը Կապանում, Սյունիքի օլիմպիադայում 3 կմ վազքատարածքում դարձել է բացարձակ չեմպիոն:
1996-97թթ-ին աշխատել է Սյունիքի մարզային ոստիկանությունում` որպես ուղեկցող խմբի հրամանատար:
1998թ-ին Սանկտ-Պետերբուրգում մասնակցել է ՅՈՒՆԵՍԿՕ-ի եռամսյա ռեժիսորական և պրոդյուսերական դասընթացներին և ստացել համապատասխան վկայական:
1999թ-ի հոկտեմբերի 9-16-ը` ք. Կապանում կազմակերպել է հայ-ռուսական բարեկամության միջազգային 1-ին կինոփառատոնը, որտեղ նաև հիմնադրել է "Սյունիք" կինոընկերությունը, որն էլ դպրոցականների և ուսանողների շրջանում իրականացրել է մշակութային, սպորտային, արվեստին վերաբերող բազմաբովանդակ միջոցառումներ:
2002թ-ի սեպտեմբերի 26-ին հիմնադրել է "Սյունյաց Արծիվներ" երիտասարդական հասարակական կազմակերպությունը:
2002թ-ի սեպտեմբերից մինչև 2012թ-ի մարտը Լեռնահայաստանում կազմակերպել է 2020-ից ավել բազմաբովանդակ հայրենասիրական միջոցառումներ:
2010թ-ի հունվարի 27-ին հիմնադրել է «Հայոց Արծիվներ» հայրենասիրական հասարակական կազմակերպությունը:
2010թ-ի փետրվարից մինչև 2012թ-ի մարտը Հայաստանի Հանրապետությունում կազմակերպել է 380-ից ավել հայրենասիրական բազմաբովանդակ միջոցառումներ(www.hayocartsivner.am):
2011թ-ին Հայոց Անկախության 20-րդ տարեդարձի կապակցությամբ ազգային բանակի տարբեր զորամասերում իրականացրել է 20 խոշոր հայրենասիրական միջոցառումների շարք (www.hayocartsivner.am):
Հիմնադրել է.
26.04.2003թ.` "Նժդեհյան մրցանակ" ամենամյա մրցանակաբաշխությունը
16.05.2003թ.` Գ. Նժդեհի անվան կարատեի մանկապատանեկան ամենամյա բաց առաջնությունը
22.04.2004թ.` "Լեռնահայաստանի Արծիվ" ոսկյա հուշամեդալը
09.06.2005թ.` "Ռազմահայրենասիրական ծրագրերի իրականացման կենտրոնը"
09.06.2005թ.` "Սյունիքի ուսանողների միությունը"
27.01.2010թ.` "Հայոց Արծիվ" ոսկյա հուշամեդալը
2005-09թթ. սովորել և ավարտել է ՀՀ ֆիզիկական կուլտուրայի պետական ինստիտուտը` "Փրկարար գործ" մասնագիտությամբ:
2007թ-ի հուլիսի 14-ից աշխատում է որպես ՀՀ սպորտի և երիտասարդության հարցերի փոխնախարար:
2008-09թթ. սովորել և ավարտել է Եվրոպայի խորհրդի քաղաքական դասընթացների երևանյան դպրոցը:
Հայաստանի Հանրապետական Կուսակցության Խորհրդի անդամ է: Քիք-բոքսինգի միջազգային ֆեդերացիայի Պատվավոր անդամ է: Շոտոկան կարատեի ֆեդերացիայի անդամ է, ունի սև գոտի:
Պարգևատրվել է.
Հայաստանի Հանրապետության նախագահ Սերժ Սարգսյանի կողմից շնորհակալագրերով (15.12.2008թ., 21.08.2011թ.):
"Լեռնահայաստան. Գարեգին Նժդեհ" ոսկյա հուշամեդալով /14.11.04թ./, Երկրապահ Կամավորական Միության հուշամեդալով /19.03.05թ./, ՀՀ ՊՆ "Գարեգին Նժդեհ" հուշամեդալով /23.09.05թ./, "Մահապարտ" ոսկյա հուշամեդալով` "Արծիվ Մահապարտներ" միության կողմից /18.01.07թ./, "Հանուն հայրենիքի" հուշամեդալով /06.03.07թ./, ՀՀ Քիք-բոքսինգի ազգային ֆեդերացիայի ոսկե հուշամեդալով /23.12.07թ./, Երևանի օլիմպիական հերթափոխի պետական մարզական քոլեջի ոսկե հուշամեդալով /23.12.07թ./, "Ոսկե աստղ. ի պատիվ բարձր հարգանքի" հուշամեդալով` Միջազգային Ոստիկանության կորպորացիայի կողմից /31.01.08թ./, ՀՀ ՊՆ "Անդրանիկ Օզանյան" հուշամեդալով /01.02.08թ./, "Մայրական երախտագիտություն" հուշամեդալով /ԼՂՀ, 23.11.08թ./, "Վազգեն Սարգսյան" շքանշանով` "Արծիվ մահապարտներ" միության կողմից /20.05.09թ./, ԼՂՀ Պաշտպանության բանակի հուշամեդալով /20.11.2009թ./, ՀՀ Ոստիկանության "Համագործակցության ամրապնդման համար" մեդալով /19.12.2009թ./, "Հայոց Արծիվ" մեդալով` "Անմար կրակներ" ռազմահայրենասիրական բարեգործական հասարակական կազմակերպության կողմից /28.01.2010թ./, ՀՀ Կրթության և գիտության նախարարության բարձրագույն պարգևով` "Ոսկե հուշամեդալով" /22.12.2010թ./, ՀՀ ՊՆ "Վազգեն Սարգսյան" հուշամեդալով /05.02.2011/, ՀՀ սպորտի և երիտասարդության հարցերի նախարարության ոսկե մեդալով /11.02.2011/, "Զորավար Անդրանիկ" հայրենասիրական հասարակական կազմակերպության "Անդրանիկ Զորավար" մեդալով /07.05.2011/, Ռուսաստանի անվտանգության դաշնային ծառայության սահմանապահ ծառայության կողմից "Արտաշատի սահմանապահ ջոկատի 55 ամյակ" հուշամեդալով /16.05.2011թ./, "Միջազգային Անվտանգության Ասպետաց Ակադեմիա"-ի կողմից "Հայրենիքի պաշտպանության" համար կրծքանշանով /24.09.2011/,ՀՀ ՊՆ-ի "ՀՀ Զինված Ուժեր 20 տարի" հոբելյանական մեդալով /24.12.2011/, ինչպես նաև 130-ից ավել պատվոգրերով:
Մի շարք հասարակական, քաղաքական հոդվածների հեղինակ է:
Ամուսնացած է, ունի երեք զավակ:
